FM देखि चिया पसल हुँदै बसयात्रा मा धेरै गुञ्जने गीत आधा उमेर निन्द्रा बित्यो। यस गीतका रचनाकार जय प्रकाश गुरुङ संग गरिएको कुराकानी प्रस्तुत
१ तपाईको परिचय ?
- म जय प्रकाश गुरुङ (१४२५२) सुदुर पूर्व ताप्लेजुङ
फिलिङ गाबिस को खरीबोटे स्वदेशको परदेसी पल्टन घर भित्रको खाँटी सिपाही र घर देशको लाहुरे हुँ।
२ लाहुरले हुनु भन्दा अगाडि के गर्नु हुनथ्यो ?
- अध्ययन र अध्यापन गर्ने गर्थे ।
३ लाहुर मा जागिर खानु इच्छा की बाध्यता ?
- त्यति खेर धेरै नै इच्छा अहिले आएर
वाध्यता नै भन्नु पर्ला ।
४ कति सालमा गल्लामा नाम दर्ता गराउनु भयो ?
- २०४९ सलामा ।
५ लाहुरेमा नाम पुकारिदा कस्तो अनुभव पाउनु भयो ?
- सिङगापुरे लाहुरे हुनु
पाउदा पक्कै पनि हर्षले विभोर भएको थिए ।
६ सिभिलिएन जीवन बाट आर्मी जीवनमा परिवर्तन हुँदा के कस्तो अनुभव पाउनु भयो ?
- एउटा सिभिल जीवनबाट आर्मी
जीवनमा परिवर्तन हुँदा हरबखत अनुशासनको परिधिभित्र रहेर बस्नु पर्दा पक्कै पनि
अप्ठेरो त हुन्छ नै तर अहिले आएर बानी परेको छ ।
७ नौ महिनाको बेसिक तालिम कस्तो लाग्यो ? केहि विर्सन नसक्ने यादहरु छन् ?
- पल्टन घरमा नभई नहुने
आधारभुत कुराहरु सिक्यौ जान्यौ र केही बिर्सने नसक्ने क्षणनहरु भन्नु पर्दा एकै
छिन पनि फुर्सदको समय नपाउदा आत्तिन्थे सधैं कामको खापाखाप ।
८ सिंगापुरमा जागिर खानु भएको कति वर्ष हुदै छ ?
- अहो थाहा नपाई १५ बर्ष
बितिसके छ ।
९ प्रसंग परिवर्तन गरौ -
तपाईको पहिलो गीत कुन हो र क-कसले संगीत र स्वर भरेका छन् ?
- मेरो पहिलो गीत चाहि "आधार" एल्वमको "आधा उमेर " जसमा पारस मुकारुङ ले
संगीत भरेका र जगदीस समालले स्वर दिनु भएको छ ।
१० हाल सम्म कति वटा गीतहरु रेकर्ड गराई
सक्नु भएको छ ?एलबम निकाल्नु भएको छ कि?
- हालसम्म ९ वटा गीत रेकर्ड
गराई सकेको छु । अब चाडै नै नयाँ एल्वम निकाल्ने तयारीमा छु ।
११ गीतहरु प्राय: दु:ख पिडाका छ्न् नि?
- म अलिक भावुक छु सायद
त्यहि भएर होला ।
१२ तपाई गीत कति बेला लेख्नु हुन्छ नि
- एकान्त अनि मुड चलेको
वेलामा ।
१३ हाल के गर्दै हुनुहुन्छ ?
- त्यहि हो नि पल्टन घरको
ब्यस्तता ।
१४ तपाई राम्रो नाच्नु पनि हुन्छ कुन लाई बढि मनपराउनु हुन्छ गीत लेख्नुमा की नाच्नमा ?
- नाच्नु मेरो सोख हो । म
गीत लेख्न नै रुचाउछु ।
१५ तपाई बिधार्थी जीवन देखिनै गीत लेख्नु र नाच्नु हुनथ्यो ?
- दुवै अलि अलि ।
१६ तपाईलाई मन पर्ने नेपाली गीतकार,संगीतकार र गायक को को हुन् त?
- गीतकार कालीप्रसाद रिजाल
संगीतकार आलोक श्री गाएक आनन्द कार्की हुन् ।
१७ भविष्यमा के गर्ने लक्ष्य राख्नु भएको छ ?
-- खासै लक्ष्य चाहि केहि
छैन् । गीत लेखन मेरो रहर हो । समय पाउदा मनको बहलाई गीत मार्फत प्रस्फुटित पार्दै लाने छु ।
गीत संगीत के जस्तो लाग्छ ?
- एउटा सिर्जना मूलक स्रोत
मात्र नभएर मान्छेको अच्यूतता भित्रबाट निस्किएको एउटा अभिब्यत्ती हो । त्यहिनै
गीत संगीत जस्तो लाग्छ ।
आधार एल्बमा क-कस्ले संगीत र स्वर दिएका छन ?
- मेरो पहिलो एल्वमा "आधार" मा पारस मुकारुङ को
संगीतमा यम बराल ,जगदीस समाल ,लासिमित राई ,कुवेर राई र लरेटो सिंह गायक गायिकाले स्वर दिनु भएको छ ।
तपाईले रचेको गीत रोज्नु पर्दा ?
- सबै
गीत प्यारो लाग्छ नै तर कुनै कुनै गीत लेख्दा लेख्दै आफ्नो जीवन अनुरुप संग मिल्दो
जुल्दो मनले चुन्ने खालको हुदो रहेछ । भन्नु पर्दा"मनको
चाहना रहेछ अपुरो" र "आधा उमेर निन्द्रैमा बित्यो" यी गीतहरु आफैलाई मन पर्छ
।
आधा उमेर निन्द्रैमा नै बित्यो गीत लेख्नु कसको परिकल्पना गरी
लेख्नु भएको ?
- एउटा सिंगो जीवनलाई
परीकल्पना गर्दै परदेशी जीवनको कल्पना गरी लेखेको गीत हो ।
- एल्वको नाम आधार राख्नु
को कारण
हरेक मान्छे जीउनको लागि
आधार चाहिन्छ । आधार बिना जीवन जीउन गाह्रो हुन्छ । त्यसैले आधार चुनेको हुँ ।
No comments:
Post a Comment