मेरो नाता साङ्निला उत्तामा स्कूल संग

4June 2017

SangNila Uttama School ,Singapore

1053hrs 

तल देखिएको तस्विर साङ्निला उत्तामा स्कूलको भूभाग हो । साङ्निला उत्तामा स्कूल प्राङ्ग भित्र  सात कोठा भएको लामो एक तले   भवन , पाँच कोठे भएको दुई तले भवन, तीन तले  तीन कोठे भएको  एउटा भवन, मल्टिपर्पोज हल एक, लात्ते भकुण्डो चौउर र मल्टिपर्पोज कोर्ट थिए दुई दशक अगाडि । आजकाल माथि भनिएका संरचनाहरु केहि छैन। जमिनले काँचुली फेरि सकेको अवस्थामा छ। तल तस्विर आफैले बोल्दै छ।

तल देखिएको साङनिला उत्तामा स्कूलको जमीन हो। भौतिक संरचना र जमिनको भूभाग परिर्तन भए पनि आफू बसेको ठाँउमा बिगतमा भोगेका अनुभव गरेका दुःख  र सुःखका क्षणहरु आउदो रहेछ। चारैतिर शान्त वतावरण हुन्थ्यो उ बेलाको साङ्निला उत्तामा । मानब बस्ति केहि थिएन। चकमन्न रात हुन्थ्यो । स्ट्रिट बत्तिहरु पनि थिएन्। वरिपरि अग्ला अग्ला नरिवलका रुखहरुले साङ्निला उत्तामाको सोभा बढाएको देखिन्थ्यो। छेवैमा जरुवा पानी कलकल गर्दै बग्दै गरेको सुनिन्थ्यो। बिहानी र बेलुकी चरा चुरुङ्गीको हुल पानी पिउनका लागि आउथे । प्याँस मेटाए पछि उनीहरुले निकालेका आफ्नै आफ्नै आवाज सुन्न मज्जा आउथ्यो। फाँटफुट ठुला ठुला दुरेनका रुख थिए। रम्बुतानको झाङ्ग भित्र बाट कोईलिको उराठ लाग्दो भाखामा गीत गाएको सुन्न पाईन्थ्यो। कोईलिले पनि ऋतु अनुसार आफ्नो भाका फेर्ने गर्थ्यो। ओसिलो र शान्त जमिन भएकाले होला King Cobra / Black Cobra र अजिङ्गरले हामीलाई तर्साउन आउथ्यो। सन्ध्याको आगमन संगै मध्यरात सम्म तेस्रो लिङ्गीको समुह हिडडुल गरेको देखिन्थ्यो ।  

हाईराजई भवन उठ्न लाग्दै गरेको देख्न सकिन्छ तल देखिएको तस्विरमा । जुन स्थानमा हामी लात्ते भकुण्डो खेल्दाको क्षण गजब हुन्थ्यो। कुनै प्रतियोगिता हुदा बिपक्षका समुहको भकुण्डो हिर्काउनको साटो छिर्कि लगाईदे, खुट्टा भाँचिदे भन्दै हुटिङ्गको आवाज खुबै गर्जिन्थ्यो उबेलामा । छिर्कि लागे  पश्चात बाङबाङ बुङबुङ कुस्ति मुड्कि लगाउनेको हुल  हुन्थ्यो । उ बेलाको जबाना भनेको उबेलै हो रहेछ। अहिले सम्झदा मरिमरि हाँस्न मन लाग्छ। त्यो बेलाको जोस र उमंग देख्दा  ।   

अव साङ्निला उत्तामा स्कूलको भूगोललाई चारै तिर अग्ला अग्ला भवनको हुलले घेरि सकेको छ।  साङ्निला उत्तामाको नाम र जमिनको स्वरुप अहिले परिवर्तन भईसकेको छ।