TrekkingNepal: समाजसेवी महाबिर पुनले स्थापना गर्नु भएको तार रहितको रिपिटर टावरमा पुग्दा

Wednesday, November 22, 2017

समाजसेवी महाबिर पुनले स्थापना गर्नु भएको तार रहितको रिपिटर टावरमा पुग्दा

मेरो प्रेरणाको स्रोत हुन् समाजसेवी महाबिर पुन। उहाँको गाउ र महरे डाँडामा अवस्थित सल्लाको टु्प्पामा तार रहितको रिपिटर एण्टेना हेर्न उत्ताहित थिए। म्याग्दीको नाँगी गाउ पुग्न एक्लै हानीए बासखर्कको उकालो हुँदै डाँडाकटेरीमा पुगे। स्वाँदिष्ठ जाउलो खाई रमाउदै पुगे नागी गाउमा। सूर्यास्त हुँदा धवलागिरी हिमाल सुनको स्वरुपमा देखे। काफल डाँडाले अन्नपुर्ण हिमालको ज्यान लुकाएर राख्ने भएकाले शिखर हेर्दा थुम्से घोप्टाएर राखेको आकृतिमा। उच्च भेगमा फलेको उसिनेको कालो आलु र अकवरे खोर्सानीको अचार चोप्दै चिसो वतावरमा पोक माया पुन दिदी संग गफगाफ र नागी गाउको बारेमा कुराकानी गर्दै बसे । महरे डाँडा हुँदै खोप्रा सम्म पुग्नको लागि गाईड ललित पुन भाई ब्यवस्था गरि दिए पोक माया दिदीले।

यो तस्विर महरे डाँडा म्याग्दी को हो । Date Taken :-25Feb 2013 Time:- 0944AM रात भरी भारी हिमपात भएता पनि बिहान भने पुरै आकास खुलेको थियो । धवलागिरि निलगिरि अन्नपुर्ण र माछापुच्छ्रे हिमाल हाँसिरहेको देख्दा झ्याँप्कि झ्याँप रहर मेटुञ्जुले तस्विर खिचे।