श्री भगवती उच्च माध्यामिक बिधालयको ईतिहास प्रारम्भमा, विक्रम संवत् २०१७ सालमा श्री
अर्ग बहादुर राईले धिमिले गाउमा श्री भगवती
प्राथमिक विद्यालय स्थापना गर्नु भएको थियो । तर धिमिले गाउमा अध्ययन गर्ने बिद्यार्थीहरुको
पर्याप्त संख्या नभएकाले विक्रम संवत् २०१८ सालमा सोही विद्यालयलाई मानेभञ्ज्याङमा
स्थानान्तर गरियो । यही श्री भगवती प्राथमिक बिद्यालयलाई सुचारु रुपले संचालन गरिरहनका
लागि कुल बहादुर अधिकारी, स्वर्गीय टंक बहादुर अधिकारी र बेलायती फौजबाट अवकास प्राप्त आशाजीत मगरले
विक्रम संवत् २०१८ सालदेखि २०३७ साल सम्म धेरै संघर्ष गर्नु भयो । विद्यालयलाई श्री
भगवती प्रा विबाट माध्यामिक विद्यालयमा स्तरोन्नति गर्ने विधि र प्रकृयाको लागि श्री
आशाजीत मगरको नेतृत्वमा गरिएको प्रयास चैत्र ८ ,२०३८ मा मात्र सफल हुन पुग्यो । सो मितिका दिन शिक्षा मंत्रालाय केशर महल काठमाण्डुबाट
स्वीकृति प्राप्त गरी विक्रम सम्वत् २०३९ सालदेखि मात्र माध्यामिक बिद्यालयस्तरीय अध्ययन
अध्यापन कार्य सुचारू गरियो । माध्यामिक तहमा अध्यापन कार्य गराउन चाहिने शिक्षक/शिक्षिका खोज्न स्वर्गीय टंक बहादर अधिकारी र बिद्यालय भवन र भौतिक सुविधाहरुको
विस्तार कार्यमा आशाजीत मगर निरन्तर लागि पर्नु भयो । वहाँ ई सन् २०१० सालदेखि बेलायतमा
बसोबास गर्दै हुनुहुन्छ ।
यस विद्यालयबाट प्रथम पटक विक्रम संम्वत २०४१ सालमा एस एल सी परिक्षा
उत्तीर्ण हुनेहरू रामहरि खतिवडा
र छत्र बहादुर राई हुनुहुन्थ्यो ।
पहिलो पल्ट यस बिद्यालय बाट २०४६ सालमा प्रथम श्रेणीमा उत्तीर्ण हुने मक बहादुर पुलामी हुनुहुन्थ्यो ।
यस बिद्यालयबाट आफ्नो शैक्षिक आधार प्राप्त गरी हाल नेपालका प्रतिष्ठित
व्यक्तित्व बन्न पुग्नु भएकाहरु मध्ये वर्तमान नेपाली राष्ट्रियगानका रचयिता व्याकूल माईला र पत्रकार गजूर धन राई हुनुहुन्छ भने धेरै संख्यामा राजनीतिक नेता र राजनीतिज्ञहरु पनि
हुनुहुन्छ ।
Teachers:- यस बिद्यालयका
शिक्षकहररू:
प्रधानाध्यापक शिव कुमार अधिकारी (BCOM), माधापुर, (अर्थशास्त्र र शिक्षा शिक्षक)
मयानाथ खतिवडा (BSC), टोक्सेल , ( गणित र अतिरिक्त गणित शिक्षक)
गुरुप्रासाद ढुंगाना (BSC), टोक्सेल, ( बिज्ञान गणित र अतिरिक्त गणित शिक्षक)
धिरानन्द दाहाल (MA) , थाक्ले, (नेपाली शिक्षक)
जंगवीर राई (IA) , बर्नालु, (अंग्रेजी शिक्षक)
